WIS BIYASA RUSAK
 |
| kajupuk saka facebook |
Ra perlu nggresula
Ra perlu nesu-nesu
Tandurane rusak
Iku uwis biyasa...
Wis biyasa rusak!
Rusak dadi biyasa, biyasa dadi
rusak
Senar dudu bolah, bener ora salah
Yen manungsa mati amarga kahanan
Yen tanduran mati amarga manungsa
Aja takon dosa marga kuwi wis
biyasa!
 |
| kajupuk saka facebook |
Wis rumangsa bisa mbayar bandha
Banjur ngrasa kuwasa ngrusak
apa-apa
Nglakoni luput ora njaluk
pangapura
Malah nantang pepadha, rumangsa
bisa
Lelakon cah wingi sore ora bisa
rumangsa
Ya iki sing diarani
wolak-waliking jaman
Wong dora ura-ura, diweling malah
ngedan
Ngaku tresna, tiba ndhatane
ngrudhapeksa
Ngaku asih, tiba mburine anggawe
sara
Wolak-waliking jaman, sing becik
ditampik
Bareng ana kahanan ala dianggep
biyasa
Bola-bali wong lali amarga
rumangsa melik
Rumangsa melik, krana bisa mbayar
bandha
 |
| kajupuk saka facebook |
Jamane pancen jaman edan
Ora ngedan ora uman
Ngidak-idak sirahe liyan
Iku uwis dadi pakulinan
Ndonyane kukut,
Uwite padha kisut
Minangka manungsa kang kudune
gawe tentreme ndonya
malah dadi sarana bubrahe jagad-buwana
Dhuh Dhik, sanadyan rupa kaya
Dewi Sinta
Nanging tumindake kaya buta
Waton ngabruk waton mbalela
Saya suwe samsaya rusak dadi
biyasa
Ngger Cah Ayu... kene dikudang
Kang Mas Kalong
Ayune moblong-moblong... kaya
genthong bolong...
Isih mahasiswa ngidak-idak kembang-kusuma...
Suk gedhe dadi pengusaha ngobong
alas-wana
(asmaradana)
Menda balap saumpami
Nora mulur nalar kaprah
Pating saluwir metune
Tetanduran padha rusak
Nora papa denpidak
Si pengung anggung gumulung
Para padma tinangisan...
01
Desember 2015
Comments
Post a Comment